見間唔中都有人會入坑試下玩 3D 打印，作為已經玩咗 3D 打印 4 - 5 年嘅 Maker，我就係呢到寫個懶人包方便大家搵野。有問題或者補充歡迎下面留言多多指教 【家用 3D 打印機分類】 3D Printer 有好多種，一般最多人用嘅家用機係 FDM 同 DLP ，以下係一啲你可能聽過嘅例子： FDM Puras i3、Tiny Boy （港產）、P 仔（港產）、Creality Ender 系列、AnyCubic Mega 系列 DLP AnyCubic Photon / NOVA、Creality LD 而你可能會以為佢係 DLP 但係其實佢係 SLA 嘅 FORMLABS Form 系列就唔係包括係上面個表入面 【揀邊種機好？】 你要考慮幾點 你打算印啲咩（結構 / 工程件？機械類模型？公仔？）你需要幾精細 / 想印幾快？你 budget 幾多？ 基本上就可以大概知道你應該買邊種機。總括黎講，如果你： 只係打算印啲簡單模型表面光唔光滑唔緊要，最緊要硬正同埋印得快（整下一啲外殼、支撐或者功能性嘅野）想印完即刻用得，唔洗過水、等佢固化 你就可以去買 FDM 嘅機型；但係如果你 打算印一啲好精細嘅模型表面一定要光滑，打印件唔諗住會食力你屋企有個空氣流通嘅位置放部機唔介意印完之後要過水 / 用酒精處理、再放入 UV 燈箱照光做固化 你可以去買 DLP / SLA 嘅機型。 【要用咩軟件？】 3D 打印個過程大概係咁： 你用建模軟件畫一個 3D 模型你將個模型匯出到合適嘅格式（stl / obj）匯入去切片軟件匯出一個部 3D 打印機食到嘅指令檔（gcode / x3g）將個 file 放入去 SD 卡 / 電腦用 USB 線連接部 3D printer 開始打印 所以，係一般情況之下你會學用到兩套軟件（除咗一啲有 build in slicing 嘅 3D modeling engine，呢個後話）。如果你想學，下面呢個 list 你可以選擇一個適合自己嘅試下用。（帶 ✨ 號係香港本地嘅 startup 公司 / Makers 開發嘅產品 / 服務） 【建模 軟件】 帶 🔼 號係指呢個模型係以2D extrusion 變 3D 嘅模式建模，因為要經常 2D 3D 轉黎轉去，一開始唔習慣可能會成日畫錯野 / 搞錯方向〔新手向〕 Draw23D （小學 - 初中，用作將圖片變成 2.5D 的網上工具） ✨ http://www.draw23d.com aPrint Editor （初中 - 高中，帶雲端切片的 3D 建模工具） ✨ https://aprint.io/editor/ TinkerCAD （小學 - 初中，但無法直接匯出 Gcode，需要使用其他切片軟件切完個模型先印到）https://www.tinkercad.com/ Fusion 360 （高中或以上，比較完整嘅一個建模軟件）🔼 〔專業用〕Autodesk Inventor （有學生版免費）🔼 SketchUp （通常用黎畫建築圖）🔼 Blender （功能多到痴線，但係用得熟基本上乜都做到） ZBrush （畫公仔用，呢個我唔熟） 【切片軟件】 呢個通常跟機，特別係一啲用 custom protocol 嘅機型（例如 MakerBot 同埋 FlashForge），但係一般人嘅選擇通常係： 〔雲端切片〕 IceSL （一個超簡單的雲切片軟件）https://icesl.loria.fr/ aPrint Editor （係「列印」則欄有得直接 export Gcode 檔案） https://aprint.io/editor/ OctoPrint （需要自己買部 Pi 返黎…